- 歌词
- 专辑列表
- 歌手介绍
黄西田
-
碧潭纯情记
19494/《碧潭纯情记》Phik-thâm Sûn-tsîng Kì 黄西田N̂g Se-tiân 千慧Tshian-huī
碧潭月影带愁意 Phik-thâm ge̍h-iánn tài tshiû-ì 夜莺哀叫乱乱啼 iā-ing ai-kiò luān-luān thî 看妹目箍红记记 khuànn muē ba̍k-khoo âng-kì-kì 心内痛苦无地比 sim-lāi thòng-khóo bô-tuè pí 啊~心爱的 ah~ sim-ài--ê 一切咱著爱觉醒 it-tshè lán tio̍h-ài kak-tshínn 既然对着世间无趣味 kì-jiân tuì tio̍h sè-kan bô tshù-bī 万项代志 bān-hāng tāi-tsì 总著放予开 tsóng tio̍h pàng hōo khui
↓↓(口白)---(口白)---(口白)↓↓ -美枝 Bí-ki 你是伫咧哭啥物咧 lí sī tī-leh khàu siánn-mih--leh 敢会是你对这个 kám ē sī lí tuì tsit ê 现实无情的世间 hiān-si̍t bô-tsîng ê sè-kan 犹阁真正 iáu-koh tsin-tsiànn 伫咧留恋是毋 tī-leh liû-luân, sī--m̄ 或者是你伫咧后悔 hi̍k-tsiá-sī lí tī-leh hiō-hué 后悔咱两人 hiō-hué lán nn̄g-lâng 若莫遮尔仔相爱 nā mài tsiah-nī-á siong-ài 今仔日也袂来 kin-á-ji̍t iā bē lâi 行着这款悲惨的地步 kiânn tio̍h tsit khuán pi-tshám ê tē-pōo 敢毋是咧 kám m̄-sī--leh 啊! ah!
--哥哥 kó-koh 你哪通对我 lí ná thang tuì guá 讲著这款话呢 kóng-tio̍h tsit khuán uē--neh 你 lí 你根本 lí kun-pún 都无了解着我的心肝 to bô liáu-kái tio̍h guá ê sim-kuann
唉!我一点仔都无咧后悔 haih! guá tsi̍t-tiám-á to bô teh hiō-hué 我也毋是为着惊死 guá iā m̄-sī uī-tio̍h kiann sí 才伫咧哭的啦 tsiah tī-leh khàu--ê lah 阮是太毋甘愿 gún sī thài m̄ kam-guān 这个河水声啦 tsit ê hô-tsuí siann--lah
为啥物 uī-siánn-mih 到底是为啥物咧 tàu-tué sī uī-siánn-mih--leh 咱两人遮尔相爱 lán nn̄g-lâng tsiah-nī siong-ài 无法度通结局 bô-huat-tōo thang kiat-kio̍k 偏偏我无佮意的人 phian-phian guá bô kah-ì ê lâng 更多更详尽歌词 在 ※ Mojim.com 魔镜歌词网 才会做着我的终身伴侣 tsiah ē tsuè tio̍h guá ê tsiong-sin phuānn-lū
我 guá 我愈想愈毋甘愿 guá jú siūnn jú m̄ kam-guān 我死嘛目毋愿瞌啦 guá sí mā ba̍k m̄-guān khueh--lah
-好好 hó hó 毋通阁伤心矣 m̄-thang koh siong-sim--ah 一来二去 it-lâi jī-khì 总是怪我 tsóng--sī kuài guá 太无路用咧 thài bô-lōo-īng--leh 我若毋是一个散赤囝 guá nā m̄-sī tsi̍t-ê sàn-tshiah kiánn 你的爸母就袂来 lí ê pē-bú tiō bē lâi 看我遮尔仔无起 khuànn guá tsiah-nī-á bô-khí 就袂来 tiō bē lâi 一直反对咱的婚事 it-ti̍t huán-tuì lán ê hun-sū 也袂来逼你嫁予彼个 iā bē lâi pik lí kè hōo hit ê 有钱的王少爷 ū-tsînn ê Ông siàu-iâ
一切的一切 it-tshè ê it-tshè 咱无需要阁再想 lán bô su-iàu koh-tsài siūnn 阁再想 koh-tsài siūnn 也是无路用啦 iā-sī bô-lōo-īng--lah
--是 sī 既然活伫这个世间 kì-jiân ua̍h tī tsit ê sè-kan 袂当得着幸福 buē-tàng tit-tio̍h hīng-hok 每日拢过著这款 muí-ji̍t lóng kè tio̍h tsit khuán 悲伤痛苦的日子 pi-siong thòng-khóo ê ji̍t-tsí 咱不如相𤆬来去 lán put-jû sio-tshuā lâi-khì 来去真远真远 lâi-khì tsin hn̄g tsin hn̄g 另外彼个世界啦 līng-guā hit ê sè-kài--lah
-美枝 Bí-ki --哥哥 kó-koh ↑↑(口白)---(口白)---(口白)↑↑
吊桥随风轻摇动 tiàu-kiô suî hong khin iô-tāng 夜雾罩面??寒 Iā-bū tà bīn? ? hân 想着过去的春梦 siūnn-tio̍h kuè-khì ê tshun-bāng 不觉伤心目箍红 put-kak siong-sim ba̍k-khoo âng 啊~心爱的 ah~ sim-ài--ê 为著命运来戏弄 uī-tio̍h miā-ūn lâi hì-lāng 真心心爱袂得照希望 tsin-sim sim-ài buē-tit tsiàu hi-bāng 世间哪有啥物通留恋 sè-kan ná ū siánn-mih thang liû-luân
- 感谢 W.B. Chen 提供歌词
- 友站连结: W.B. Chen
|