- 歌词
- 专辑列表
- 歌手介绍
黄西田
-
工厂大兄
19182/《工场大兄》Kang-tiûnn Tuā-hiann 黄西田N̂g Se-tiân
忍耐一切为生活 jím-nāi it-tshè uī sing-ua̍h 毋惊任何的拖磨 m̄-kiann jīm-hô ê thua-buâ 认真拍拼求成功 jīn-tsin phah-piànn kiû sîng-kong 毋通𨑨迌来放荡 m̄-thang thit-thô lâi hòng-tōng
↓↓(口白)---(口白)↓↓ 喂~兄弟 uê~ hiann-tī 我是工场的大兄啦 guá sī kang-tiûnn ê tuā-hiann--lah 苦劝恁出外人 khóo-khǹg lín tshut-guā-lâng 交朋友著爱注意 kau pîng-iú tio̍h-ài tsù-ì 毋通常常欲做姼仔诙 m̄-thang siông-siông beh tsuè tshit-á-khue 出门咱爸母有交代 tshut-mn̂g lán pē-bú ū kau-tài 咱著爱拍拼做工课 lán tio̍h-ài phah-piànn tsuè khang-khè 才会袂予人看衰啦 tsiah ē buē hōo-lâng khuànn-sue--lah ↑↑(口白)---(口白)↑↑
↓---(伴唱)---↓ 工场大兄 kang-tiûnn tuā-hiann 真有名 tsin ū-miâ 真拍拼 tsin phah-piànn 以身作则又真拼 í-sin tsok-tsik iū tsin piànn 劝咱逐家 khǹg lán ta̍k-ke 著爱做好囝 tio̍h-ài tsuè hó-kiánn 劝咱著爱做好囝 khǹg lán tio̍h-ài tsuè hó-kiánn ↑---(伴唱)---↑
更多更详尽歌词 在 ※ Mojim.com 魔镜歌词网 为著朋友为情义 uī-tio̍h pîng-iú uī tsîng-gī 打抱不平论情理 tá-phāu-put-phîng lūn tsîng-lí 为著自己为逐家 uī-tio̍h tsū-kí uī ta̍k-ke 工场大兄有度量 kang-tiûnn tuā-hiann ū tōo-liōng
↓↓(口白)---(口白)↓↓ 喂!大的 uê! tuā--ê 师傅啊 sai-hū--ah 毋通大汉欲食细汉 m̄-thang tuā-hàn beh tsia̍h sè-hàn 师傅人毋通 sai-hū-lâng m̄-thang 常常欲欺负师仔工 siông-siông beh khi-hū sai-á-kang 人讲善有善报 lâng kóng siān iú siān-pò 恶有恶报 ok iú ok-pò 这个道理 tsit ê tō-lí 你敢毋捌是毋 lí kám m̄-bat sī--m̄ ↑↑(口白)---(口白)↑↑
↓---(伴唱)---↓ 工场大兄 kang-tiûnn tuā-hiann 真有名 tsin ū-miâ 真拍拼 tsin phah-piànn 以身作则又真拼 í-sin tsok-tsik iū tsin piànn 劝咱逐家 khǹg lán ta̍k-ke 著爱做好囝 tio̍h-ài tsuè hó-kiánn 劝咱著爱做好囝 khǹg lán tio̍h-ài tsuè hó-kiánn ↑---(伴唱)---↑
- 感谢 W.B. Chen 提供歌词
- 友站连结: W.B. Chen
|