- 歌词
- 专辑列表
- 歌手介绍
七郎
-
一粒孤星
24455/《一粒孤星》Tsi̍t-lia̍p Koo-tshinn 七郎Tshit-lông
又阁是黄昏时 iū-koh sī hông-hun sî 日头拄坠落山去 ji̍t-thâu tú tuī-lo̍h suann khì 东爿的天色 tang-pîng ê thinn-sik 渐渐变暗 tsiām-tsiām piàn àm 月娘也浮出山边 ge̍h-niû iā phû-tshut suann-pinn
一粒孤独的天星 tsi̍t-lia̍p koo-to̍k ê thinn-tshinn 早就挂在夜天边 tsá tiō kuà tsāi iā thinn-pinn 闪烁 siám-sih 光光咧闪烁 kng-kng teh siám-sih 无聊的暗暝 bô-liâu ê àm-mî 阁再想着你 koh-tsài siūnn-tio̍h lí
你亲像孤星 lí tshin-tshiūnn koo-tshinn 无人陪伴你 bô-lâng puê-phuānn lí 这阵又毋知走佗去 tsit-tsūn iū m̄-tsai tsáu toh khì 假使你若有情义 ká-sú lí nā ū tsîng-gī 该转来予阮安慰 kai tńg-lâi hōo gún an-uì
更多更详尽歌词 在 ※ Mojim.com 魔镜歌词网 更深的夜港边 kinn tshim ê iā káng-pinn 冷风吹 líng-hong tshue 添阮稀微 thiam gún hi-bî 暗淡的月色 àm-tām ê ge̍h-sik 引人心碎 ín lâng sim tshuì 夜雺雾罩在岸边 iā bông-bū tà tsāi huānn-pinn
一粒孤独的天星 tsi̍t-lia̍p koo-to̍k ê thinn-tshinn 忽然消失在天边 hut-jiân siau-sit tsāi thinn-pinn 敢是伤心走去覕 kám-sī siong-sim tsáu-khì bih 悽凉的夜暝 tshi-liâng ê iā-mî 揣拢无你 tshē lóng bô lí
可怜的孤星 khó-liân ê koo-tshinn 天涯流浪儿 thian-gâi liû-lōng-jî 这阵又毋知伫佗位 tsit-tsūn iū m̄-tsai tī tó-uī 月娘啊你敢无看见 ge̍h-niû--ah lí kám bô khuànn--kìnn 请问你 tshiánn-mn̄g lí 孤星佗位去 koo-tshinn tó-uī khì
- 感谢 W.B. Chen 提供歌词
- 友站连结: W.B. Chen
|