- 歌词
- 专辑列表
萧福德
-
阿伯的彼句话
作词:萧福德 作曲:萧福德 编曲:萧福德
对面的巷仔尾 有住一个老阿伯 叫阮要认真读册 呒通整天去迺街 伊讲若欲做一个 大企业的头家 著爱脚踏实地 人格千万呒通提出去卖 到底阁存外多 亲像此个老阿伯 详细甲算算的 实在是无几个 虽然阮是一个 呒知半项的少年家 阮会永远会记阿伯讲的彼句话 爱疼惜咱的土地 呒通将畚圾及狗仔的尸体 抛甲满四界 你敢知影 卡早的美丽 今嘛已经变做是 满面全豆花 古锥的土地公伯啊 (伊雄雄竖起来讲) 啊 恁到底是块创啥货 台湾已经满面是全豆花 台湾已经满面是全豆花 阮欲转去欲转去咱卡早美丽的土地啦 台湾已经满面是全豆花 你敢知影甘知影咱此块土地已经块破病 阮无爱阮无爱踮在此块.........
------------------------------------------
23680/《阿伯的彼句话》A-peh ê Hit Kù Uē 萧福德Siau Hok-tik
对面的巷仔尾 tuì-bīn ê hāng-á-bué 有蹛一个老阿伯 ū tuà tsi̍t-ê lāu-a-peh 叫阮爱认真读册 kiò gún ài jīn-tsin tha̍k-tsheh 毋通逐工去踅街 m̄-thang ta̍k-kang khì se̍h-ke 伊讲若欲做一个 i kóng nā beh tsò tsi̍t-ê 大企业的头家 tuā khì-gia̍p ê thâu-ke 著爱跤踏实地 tio̍h-ài kha ta̍h si̍t-tē 人格千万毋通 jîn-keh tshian-bān m̄-thang 提出去卖 the̍h tshut-khì buē
到底阁䞐偌济 tàu-té koh tshun guā-tsuē 亲像这个老阿伯 tshin-tshiūnn tsit ê lāu-a-peh 详细共算算咧 siông-sè kā sǹg-sǹg--eh 实在是无几个 si̍t-tsāi sī bô kuí-ê 虽然阮是一个 sui-jiân gún sī tsi̍t-ê 更多更详尽歌词 在 ※ Mojim.com 魔镜歌词网 毋知半项的少年家 m̄-tsai puànn-hāng ê siàu-liân-ke 阮会永远会记 gún ē íng-uán ē-kì 阿伯讲的彼句话 a-peh kóng ê hit kù uē
爱疼惜咱的土地 ài thiànn-sioh lán ê thóo-tē 毋通将粪埽 m̄-thang tsiong pùn-sò 佮狗仔的死体 kah káu-á ê sí-thé 抨甲满四界 phiann kah muá-sì-kuè
你敢知影 lí kám tsai-iánn 较早的美丽 khah-tsá ê bí-lē 这马已经变做是 tsit-má í-king piàn-tsò sī 满面全豆花 muá-bīn tsuân tāu-hue 古锥的土地公伯仔 kóo-tsui ê Thóo-tī-kong-peh--á 伊雄雄徛起来讲 i hiông-hiông khiā khí-lâi kóng 啊恁到底是咧创啥货 ah lín tàu-té sī teh tshòng siánn-huè ---
台湾已经满面是全豆花 Tâi-uân í-king muá-bīn sī tsuân tāu-hue 台湾已经满面是全豆花 Tâi-uân í-king muá-bīn sī tsuân tāu-hue 阮欲转去 gún beh tńg-khì 阮欲转去 gún beh tńg-khì 咱较早美丽的土地啦 lán khah-tsá bí-lē ê thóo-tē--lah
啊台湾已经满面是全豆花 ah Tâi-uân í-king muá-bīn sī tsuân tāu-hue 台湾已经满面是全豆花 Tâi-uân í-king muá-bīn sī tsuân tāu-hue 你敢知影 lí kám tsai-iánn 你敢知影 lí kám tsai-iánn 咱这块土地 lán tsit tè thóo-tē 已经咧破病矣 í-king teh phuà-pēnn--ah
阮无爱 gún bô-ài 阮无爱 gún bô-ài 踮伫这块破病的土地啦 tiàm tī tsit tè phuà-pēnn ê thóo-tē--lah
- 感谢 W.B. Chen 修正歌词
- 友站连结: W.B. Chen
|