- 歌词
- 专辑列表
合辑
-
菊花开的时
构想自杨逵小说“水牛” 作词:李坤城 作曲:陈明章 主唱:陈明章
菊花开的时 阮拢会想起汝 想起汝瘦瘦的身躯 偎伫水牛边 菊花谢的时 阮拢会怀念汝 怀念汝天真的年纪 亲像可爱的花蕊 汝逐工牵着水牛 牵去山脚去吃草 阁一面看册 看贾日头落山 暗时返去煮饭饲猪 无闲伫厝后 阁会记给恁老父捧水洗面 汝实在有影友孝 乌鹙乌鹙嘎嘎啾 白翎丝脚勼勼 水牛水牛胡白泅 跋落沟仔底揾豆油
后来水牛卖掉 阮看汝目屎一直流 恁阿爸阁欠人五十箍 煞借钱借来阮兜 阮老父竟然给汝买起来作细姨 予阮真想欲哭 这是啥么天年 阮真正想欲离家出走
(O.S.李坤城) 彼年汝干那十二岁 著予阮心内非常敬佩 彼年汝干那十二岁 煞予阮心内非常怨戚
菊花开的时 阮拢会想起汝 想起汝瘦瘦的身躯 贾砂的智慧 菊花开的时 阮拢会怀念汝 怀念汝天真的年纪 亲像花蕊遐哩邃
------------------------------------------
《菊花开的时》Kiok-hue Khui ê Sî 陈明章Tân Bîng-tsiong
菊花开的时 kiok-hue khui ê sî 阮拢会想起你 gún lóng ē siūnn-khí lí 想起你瘦瘦的身躯 siūnn-khí lí sán-sán ê sin-khu 倚伫水牛边 uá tī tsuí-gû pinn
菊花谢的时 kiok-hue siā ê sî 阮拢会怀念你 gún lóng ē huâi-liām lí 怀念你天真的年纪 huâi-liâm lí thian-tsin ê nî-kí 亲像可爱的花蕊 tshin-tshiūnn khó-ài ê hue-luí
你逐工牵着水牛 lí ta̍k-kang khan tio̍h tsuí-gû 牵去山跤去食草 khan khì suann-kha khì tsia̍h-tsháu 阁一面看册 koh tsi̍t-bīn khuànn-tsheh 看甲日头落山 khuànn kah ji̍t-thâu lo̍h-suann 暗时仔转去煮饭饲猪 àm-sî-á tńg-khì tsú-pn̄g tshī-ti 无闲伫厝后 bô-îng tī tshù-āu 阁会记得共恁老爸捀水洗面 koh ē-kì-tit kā lín lāu-pē phâng-tsuí sé-bīn 更多更详尽歌词 在 ※ Mojim.com 魔镜歌词网 你实在有影有孝 lí si̍t-tsāi ū-iánn iú-hàu
乌鹙乌鹙kā-kā kiū oo-tshiu oo-tshiu kā-kā kiū 白翎鸶跤勼勼 pe̍h-līng-si kha kiu-kiu 水牛水牛乌白泅 tsuí-gû tsuí-gû oo-pe̍h siû 跋落沟仔底揾豆油 pua̍h lo̍h kau-á-té ùn-tāu-iû
后来水牛卖掉 āu--lâi tsuí-gû bē-tiāu 阮看你目屎一直流 gún khuànn lí ba̍k-sái it-ti̍t lâu 恁阿爸阁欠人五十箍 lín a-pa koh khiàm lâng gōo-tsa̍p khoo 煞借钱借来阮兜 suah tsioh-tsînn tsioh lâi gún-tau 阮老爸竟然 gún lāu-pē kìng-jiân 共你买起来做细姨 kā lí bé khí-lâi tsuè suè-î 予阮真想欲哭 hōo gún tsin siūnn-beh khàu 这是啥物天年 tse sī siánn-mi̍h thinn-nî 阮真正想欲离家出走 gún tsin-tsiànn siūnn-beh lī-ka tshut-tsáu
(口白)-----↓ 彼年你才十二岁 hit-nî lí tsiah tsa̍p-jī huè 就予阮心内非常敬佩 tiō hōo gún sim-lāi hui-siông kìng-puē 彼年你才十二岁 hit-nî lí tsiah tsa̍p-jī huè 煞予阮心内非常怨戚 suah hōo gún sim-lāi hui-siông uàn-tsheh (口白)-----↑
菊花开的时 kiok-hue khui ê sî 阮拢会想起你 gún lóng ē siūnn-khí lí 想起你瘦瘦的身躯 siūnn-khí lí sán-sán ê sin-khu 佮活泼的智慧 kah ua̍t-phuat ê tì-huī 菊花谢的时 kiok-hue siā ê sî 阮拢会怀念你 gún lóng ē huâi-liām lí 怀念你天真的年纪 huâi-liām lí thian-tsin ê nî-kí 亲像花蕊遐尔媠 tshin-tshiūnn hue-luí hiah-nī suí
- 感谢 W.B. Chen 修正歌词
- 友站连结: W.B. Chen
|